“მეცნიერებათა სკოლაში” ეკომეგობრული დღეები მოეწყო
“მეცნიერებათა სკოლამ“ მდგრადი და ეკომეგობრული ვორქშოპების სერიას უმასპინძლა, სახელწოდებით “მწვანე საწყისები“.
ღონისძიება ევროკავშირის ინიციატივითა და გარემოსდაცვითი პროექტის, “საქართველო მწვანე მომავლისკენ“, ფარგლებში გაიმართა.
ვორქშოპზე მოსწავლეებმა მიიღეს არა მხოლოდ თეორიული ცოდნა, არამედ პრაქტიკული გამოცდილებაც. მათ სხვადასხვა საყოფაცხოვრებო ნარჩენისგან უნიკალური, მეორადი დანიშნულების ნივთები დაამზადეს. პროცესი აღმოჩნდა ძალიან სახალისო, შემოქმედებითი და რაც მთავარია, სასარგებლო ეკოლოგიური ცნობიერებისთვის.
“ჩვენი სკოლა პროეტის ხელმძღვანელების გარდა, მასპინძლობდა შიდა ქართლის რეგიონის 6 სკოლას. ვორქშოპებში ჩართულნი იყვნენ ჩვენი მოსწავლეებიც. მათ საყოფაცხოვრებო ნარჩენებისაგან დაამზადეს მეორადი ნივთები, რაც საკმაოდ საინტერესო გამოცდილება იყო. ტრენინგის დასასრულს თითოეულ მოსწავლეს გადაეცა მასში მონაწილეობის დამადასტურებელი სერთიფიკატი” – აღნიშნა პროექტში ჩართულმა პედაგოგმა მარია ყულუმბეგაშვილმა.
